Ang batayang pormula ng territorio de los hombres batch 1 ni Vanessa at ang mga pinagbabatayan nito: Isang pagbasang istruktural
Date
6-2011
Degree
Bachelor of Arts in Communication Arts
College
College of Development Communication (CDC)
Adviser/Committee Chair
Dennis Andrew S. Aguinaldo
Committee Member
Christian Tablazon,
Request Access
To request access of this material, please email the administrator at uscs-mainlib.uplb@up.edu.ph
Abstract
Nakapagtatakang habang umiiral sa kasalukuyan ang iba‟t ibang anyo ng makabagong libangan, naninitiling matatag na industriya pa rin ang nobelang romansang Tagalog sa Pilipinas. Inuugat ang patuloy na tagumpay na ito ng nobelang romansa sa batayang pormulang sinusunod sa pagsulat ng nasabing anyo, na bagaman prediktable ay naninitiling patok sa kumokonsumong madlang-mambabasa. Sa pag-aaral na ito, isinailalim sa istruktural na pagsusuri ang Territorio de Los Hombres Batch 1 ni Vanessa upang matukoy ang paulit-ulit na mga elemento sa hanay ng 12 aklat ng serye. Napag-alamang mayroon ngang partikular at pangkaraniwang pormula ang serye na may sariling kakanyahang hiwalay sa Teorya ng Mythos ni Frye na ginawang parametro. Mayroon ang TDLH 1 ng natatanging mga yugto (Resistance at Atonement), sariling daloy ng banghay (dalawang-siklong disenyo), at may sariling kayarian ng mga tauhan (presensiya ng heavy father surrogate na tricky slave at buffoon na tricky slave, walang agroikos). Sa pagbibigay-katwiran sa na nahalaw na batayang pormula ng serye, natagpuang nakabatay ang pormula sa lipunang pinagluwalan at kinapapalooban ng TDLH 1. Sinasalamin ng pakikipagsapalaran ng bidang babae para sa tunay na pag-ibig ang mga sitwasyon at
pantasya ng madlang-mambabasang kababaihang nakararanas ng maraming kawalan at pang- aapi mula pa panahon ng mga pananakop hanggang sa kasalukuyan.
Language
Filipino
Location
UPLB Main Library Special Collections Section (USCS)
Recommended Citation
Falculan, Mailan Ann Yancy T., "Ang batayang pormula ng territorio de los hombres batch 1 ni Vanessa at ang mga pinagbabatayan nito: Isang pagbasang istruktural" (2011). Undergraduate Theses. 1827.
https://www.ukdr.uplb.edu.ph/etd-undergrad/1827
Document Type
Thesis