U.P. Los Baños Journal
Publication Date
12-15-2022
Abstract
Binigyang-pansin sa pag-aaral na ito ang pagsusuri sa 32 kartun ng mga pahayagang pangkampus ng mga paaralang sekundarya ng Sangay ng Catanduanes gamit ang Picture Theory of Meaning ni Ludwig Wittgenstein. Matapos humingi ng pahintulot at kopya ng mga pahayagang pangkampus sa Pansangay na Superbisor sa Filipino, isinagawa ng mananaliksik ang mabusising pagsusuri ng mga kartun. Ang 32 kartun ay buhat sa mga pahayagang pangkampus na lumahok sa pangkatang patimpalak noong 2019 Division Schools Press Conference. Natuklasan sa pananaliksik na ito na mulat na ang mga kartunist sa mga isyung panlipunan at pampolitika dahil sa mga nasuring paksang may kaugnayan sa mga isyung pampaaralan, panlalawigan, panrehiyon, pambansa, at pandaigdig kagaya ng No Homework Policy, social media, pagpapanatili ng kalinisan at marami pang iba. Marami ding simbolismo ang ginamit ng mga kartunist kagaya ng salakot, lapis, aklat, puno, kuwaderno, aso, baboy, at iba pa. Bunsod ng mga natuklasang ito, ang mananaliksik ay bumuo ng dalawang mungkahing kagamitang panturo. Ang isa ay aklat na pinamagatang Debuho, isang sangguniang babasahin sa pagguhit ng kartun at ang isa ay isang academic vlog na naglalaman ng lektura ng mananaliksik hinggil sa wastong pagguhit ng editoryal kartun. Ang mga ito ay iminumungkahing ipinagagamit sa mga mag-aaral na kumukuha ng asignaturang Pamamahayag. Iminumungkahi ring ito ay ipagamit sa mga mag-aaral sa iba pang mga paaralan.
Recommended Citation
Balunsay, Jovert R.
(2022)
"Sipat-talakay sa mga editoryal kartun ng mga pahayagang pansekundarya sa Catanduanes gamit ang Picture Theory of Meaning ni Ludwig Wittgenstein: Batayan sa pagbuo ng mga kagamitang panturo sa Filipino,"
U.P. Los Baños Journal: Vol. 20, Article 3.
Available at:
https://www.ukdr.uplb.edu.ph/uplb-journal/vol20/iss2/3