Issue Date
2023
Abstract
Idineklara ni Pangulong Ferdinand E. Marcos noong Setyembre 21, 1972 ang Proclamation 1081 na nagpasailalim sa bansa sa batas militar. Sentral sa kanyang mga batayan ang aniya ay laganap na rebelyon sa Pilipinas na naghahangad na pabagsakin ang kanyang gobyerno. Sinundan ang deklarasyong ito ng kanyang magkakaugnay na pahayag sa mga panayam at talumpati kung saan niya binigyang-diin ang estado ng “anarkiya at kawalang-batas” sa bansa na “isang malinaw at matinding banta” sa kaligtasan ng publiko.
Selektibong pinulot at muling pinaaalingawngaw ng mga propagandistang trolls na pro-diktadura/pro- Marcos sa kasalukuyan ang mga detalye ng deklarasyon ni Marcos noong 1972. Pinakakalat ang mga
detalyeng ito sa pamamagitan ng iba’t ibang plataporma sa social media at nasa konteksto ng 1) sanitisasyon at pagpapabango ng kasaysayan ng batas militar, at 2) apolohiya para sa Proclamation 1081. Tinukoy ng papel na ito ang mga detalyeng kinasangkapan para bigyang-katwiran ang deklarasyon noong 1972 na sinala at muling ipinalalaganap ng malikhaing reproduksyon ng kontemporaryong propaganda. Ginawa ito habang kasabay na tinugaygay ang paglalatag ni Marcos ng pundasyon ng kanyang awtoritaryanismo hanggang sa pagdedeklara ng batas militar. Sa ganito, nabigyan ng historikal na tugon ang mga detalye ng Proclamation 1081 at ng mga kontemporaryong bersyon nito sa mga pinakakalat na mga pampropagandang materyal sa social media.
Source or Periodical Title
UP Los Baños Journal
Volume
21
Issue
1
Page
48-65
Document Type
Article
College
College of Arts and Sciences (CAS)
Subject
Propagandang politikal, Distorsyong historikal, Diktadurang Marcos, Social media, Batas militar
Recommended Citation
Javar, Roderick C., "Kasaysayan at propaganda: pagtutuwid sa mga maling pahayag ukol sa paglalatag at deklarasyon ng batas militar noong rehimeng Marcos" (2023). Journal Article. 5893.
https://www.ukdr.uplb.edu.ph/journal-articles/5893